“Ակտիվիզմի ուղեցույց” և “Բնապահպանության քաղաքականության մշակման առաջարկներ” հետազոտությունների հրատարակումը
2013 թ.-ին «Հրայր Մարուխյան» հիմնադրամը Քաունթերփարթ ինթերնեշնլ հայաստանյան ներկայացուցչության աջակցությամբ «Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն» դրամաշնորհային ծրագրի շրջանակներում կազմակերպել է 3 կլոր սեղան քննարկումներ, որոնց արդյունքում պատրաստվեցին և նույն թվականի հունվարի 29-ին(3-րդ կլոր սեղանի ժամանակ) Անի Պլազա հյուրանոցում տեղի ունեցավ «Ակտիվիզմի ուղեցույց» և «Բնապահպանության քաղաքականության մշակման առաջարկներ» ուսումնասիրությունների շնորհանդես-քննարկումը: Այս քննարկումներին մասնակցեցին համապատասխան նախարարությունների և վարչությունների ներկայացուցիչներ, ինչպես նաև մի շարք բնապահպանական հասարակական կազմակերպություններ ու բնապահպան ակտիվիստներ:
Հետազոտություններից առաջինը շոշափում է բնապահպանության ոլորտին առնչվող բազմաթիվ հիմնախնդիրներ, իսկ երկրորդը վեր է հանում գործող բնապահպանական օրենսդրության մեջ առկա բացթողումներն ու թերությունները և ուսումնասիրում է ոլորտում առկա հիմնախնդիրներն ու արձանագրված հաջողությունները:
Սեղմե՛ք ստորև ներկայացված հղումները և ծանոթացեք հետազոտություններին:
Բնապահպանության քաղաքականության մշակման առաջարկներ
<<Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն>>, 2-րդ կլոր սեղան քննարկում
Սույն թվականի հոկտեմբերի 31-ին <<Հրայր Մարուխյան>> հիմնադրամը Քաունթերփարթ ինթերնեշնլ հայաստանյան ներկայացուցչության ֆինանսական աջակցությամբ Կոնգրես հյուրանոցում անցկացրեց երկրորդ կլոր սեղան քննարկումը <<Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն>> ծրագրի շրջանակներում:
Քննարկման մասնակիցների թվում էին բնապահպան ակտիվիստներ, հասարակական կազմակերպություններ, փորձագետներ և ՀՀ Բնապահպանության, Էներգետիկայի և բնական պաշարների նախարարության ներկայացուցիչներ: Այս միջոցառման հիմնական նպատակն էր քննարկել և պարզաբանել բնապահպանական քաղաքականության մշակման գործընթացում կառավարության և քաղաքացիական հասարակության միջև համագործակցության թափանցիկությունը: Քննարկումը մի կողմից թեժ էր, մյուս կողմից` անկեղծ և կառուցողական: Հիմնվելով քննարկումների արդյունքների վրա` ՀՄՀ փորձագետները կպատրաստեն բնապահպանական օրենսդրության բացթողումները լուսաբանող փաստաթուղթ` առաջարկելով մեխանիզմներ, որոնք կհավաստիացնեն օրենքի կիրառումը և քաղաքականության մշակման գործընթացում բոլոր շահառուների ընդգրկումը:
<<Հրայր Մարուխյան>> հիմնադրամն իր երախտագիտությունն է հայտնում գործընկերներին և բոլոր նրանց, ովքեր մասնակցեցին այս շատ արդյունավետ քննարկմանը:
<<Սոցիալական բարեփոխումները Հայաստանում II>> գրքի շնորհանդես-քննարկում
Սույն թվականի սեպտեմբերի 26-ին ժամը 10:00-13:00 Անի Պլազա հյուրանոցում «Հրայր Մարուխյան» հիմնադրամը գերմանական «Ֆրիդրիխ Էբերտ» հիմնադրամի աջակցությամբ (Սայաթ-Նովա 19) կազմակերպեց «Սոցիալական բարեփոխումները Հայաստանում II» թեմայով գիտաժողով (գրքի շնորհանդես-քննարկում), որին բացի առաջատար մասնագետներից ու հետազոտողներից, մասնակցեցին նաև «Ֆրիդրիխ Էբերտ» հիմնադրամի Կենտրոնական և Արևելյան Եվրոպայի բաժանմունքի գլխավոր տնօրեն` Էռնսթ Հիլիբրանդը և Հարավկովկասյան նախագծի համակարգող Միխայել Վայխերթը: Այս ուսումնասիրության նպատակն էր Հայաստանի հասարակական և քաղաքական կյանքի երեք կարևոր բնագավառների՝ գյուղատնտեսության, հանքարդյունաբերության և կրթության առանձնահատկությունների ներկայացումը: Ամեն ոլորտի հետազոտության ներկայացումից հետո մասնակիցները հարց ու պատասխանի ձևով սկսեցին ակտիվ քննարկում:
<<Սոցիալական բարեփոխումները Հայաստանում>> ուսումնասիրության 2-րդ մասի հրատարակումը
Հրայր Մարուխյան Հիմնադրամը Ֆրիդրիխ Էբերտ Հիմնադրամի աջակցությամբ հաջողությամբ իրականացրել և հրատարակել է անգլերեն և հայերեն լեզուներով <<Սոցիալական բարեփոխումները Հայաստանում>> ուսումնասիրության երկրորդ մասը` ուղղված երեք կարևոր ոլորտների` գյուղատնտեսության, հանքարդյունաբերության և կրթության հարցերի վերլուծությանը:
Սեղմե՛ք ստորև ներկայացված հղումները և ծանոթացեք վերլուծության հայերեն և անգլերեն տարբերակներին:
Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն
Հրայր Մարուխյան Հիմնադրամը Քաունթերփարթ ինթերնեշնլ հայաստանյան ներկայացուցչության ֆինանսական աջակցությամբ իրականացնելու է <<Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն>> դրամաշնորհային ծրագիրը: Այս ծրագրի շրջանակներում կազմակերպվելու են երեք կլոր սեղան քննարկումներ, որոնց մասնակիցների շարքում են լինելու բնապահպան ակտիվիստներ, հասարակական կազմակերպությունների ներկայացուցիչներ, ՀՀ Բնապահպանության, Առողջապահության, Էներգետիկայի և բնական պաշարների նախարարության առաջատար մասնագետներ: Վերը նշված քննարկումները հանդիսանալու են ազատ գոտի հասարակական շարժումներից դեպի իրական օրենսդրական փոփոխությունների հանգեցնելու համար: Քննարկման հիմնական թեմաները շոշափելու և ամփոփելու են բնապահպանական նորարարական քաղաքականության ձևավորման անհրաժեշտությունը, որը նաև կաջակցի որոշումներ կայացնելու գործընթացում քաղաքացիների ակտիվ մասնակցությանը: Այս ամենի արդյունքում Հրայր Մարուխյան Հիմնադրամը ակնկալում է ձևակերպել և հանրությանը ներկայացնել երկու փաստաթուղթ, որոնցից մեկը կհանդիսանա բնապահպան ակտիվիստների ուղեցույց, իսկ մյուսը կներառի բնապահպանական նոր քաղաքականության մշակման ձևաչափերը:
<<Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն>>, 1-ին կլոր սեղան քննարկում
Սույն թվականի սեպտեմբերի 20-ին ժամը 10:00-15:00-ը Կոնգրես հյուրանոցում Հրայր Մարուխյան Հիմնադրամը կազմակերպել է «Հասարակական գործողություններից դեպի ինստիտուցիոնալ փոփոխություններ. բնապահպանական քաղաքականության երկխոսություն» դրամաշնորհային ծրագրի շրջանակներում առաջին կլոր սեղան քննարկումը, որը ֆինանսավորվում է Քաունթերփարթ ինթերնեշնլ հայաստանյան ներկայացուցչության կողմից: Քննարկմանը հրավիրված էին ակտիվիստ բնապահպաններ և հասարակական կազմակերպությունների ներկայացուցիչներ: Քննարկման ժամանակ խոսվեց բնապահպանական հաջողված շարժումներից՝ Շիկահողի տարածքի պաշտպանության, Թեղուտի անտառը հանքարդյունաբերության վնասակար ազդեցությունից պաշտպանելու, Թռչկանի ջրվեժին կից հիդրոէլեկտրոկայանի կառուցմանը խոչընդոտող բնապահպան ակտիվիստների խմբի, ինչպես նաև բոլորովին վերջերս Մաշտոցի պուրակում տեղի ունեցած հասարակական շարժման մասին: Այս քննարկման հիմնական նպատակն էր պարզաբանել ակտիվիստների դիրքորոշումները, ինչպես նաև համագործակցության եզրերը այլ կազմակերպությունների և պետական մարմինների ներկայացուցիչների հետ: Սակայն քննարկման հիմնական բովոնդակության մեջ առանձնանում էր այն գաղափարը, որ դեռևս այս բնապահպանական շարժումները չեն հանգեցրել որևէ ինստիտուցիոնալ փոփոխությունների և կառավարության կողմից մշակված քաղաքականության: Ուստի այս ծրագիրը նպատակ ունի դառնալ կապող օղակ բնապահպանական շարժման և իրական փոփոխությունների միջև:
Քննարկման նկարները կարող եք տեսնել “Նկարներ” բաժնում:
<<Հանդես ժողովրդավարության և ընկերվարության>> առաջին մասի հրատարակումը
Հրայր Մարուխյան Հիմնադրամը հպարտությամբ ներկայացնում է <<Հանդես ժողովրդավարության և ընկերվարության>> շարքի առաջին մասը, որն իր մեջ ներառում է երեք հոդվածներ`<<Ժողովրդավարության և ընկերվարության գաղապարների ընկալումը դարերի երկայնքով>>, <<Ժողովրդավարության և ընկերվարության ՀՅԴ տեսլականները>> և <<Ընկերվարական սկզբունքներ. Ազատություն, արդարություն, համերաշխություն>>:
Այս հանդեսի նպատակն է ծառայել որպես կրթական ձեռնարկ քաղաքագիտությամբ զբաղվող ուսանողների, քաղաքագետների, ակադեմիկոսների և բոլոր այն մարդկանց համար, ովքեր հետաքրքրվում են սոցիալ-դեմոկրատիայի հիմնարար արժեքներով:
Սեղմե՛ք ստորև ներկայացված հղումը և ծանոթացեք հանդեսի հայերեն տարբերակին:
Ծանոթացեք մեր պրակտիկանտների հետ
Արփա Վարդանյան: 2010 թվ-ի ամռանը Հայ երիտասարդաց դաշնակցության (AYF) պրակտիկանտների ծրագրի միջոցով ես եկա Հայաստան`իբրև կամավոր աշխատելու մանկական կենտրոնում: Ականատես լինելով այն աղքատությանը, որի հետ երեխաները բախվում են ամեն օր, ես ինքս ինձ հարցրեցի, թե ինչպիսի ազդեցություն կարող եմ ունենալ նրանց կյանքում, երբ այցելեմ Հայաստան հաջորդ անգամ: Ամենադյուրին պատասխանը կարող էր լինել պարզապես նույն կենտրոն վերադառնալը և իբրև կամավոր կրկին հանդես գալը: Բայց կամավորական աշխատանքը կարող է սահմանափակվել միայն այսքանով: Մենք կարող ենք լուծել խնդիրը`վերացնելով պատճառը: Ահա թե ինչու ես կրկին վերադարձա Հայաստան`այս անգամ կամավորական աշխատանք ծավալելու Հրայր Մարուխյան Հիմնադրամում: Ուսումնասիրելով հիմնադրամի կայք-էջը և գտնելով <<Իրականացնել նորարարական ու հարատև լուծումներ`սոցիալական, տնտեսական և քաղաքական մարտահրավերներին>> ծրագիրը`ես անմիջապես հասկացա, որ այս կամավորական աշխատանքը կարող է օգնել ինձ բացահայտել երկու տարի առաջ ինձ հանդիպած երեխաների խնդիրներից բխող պատճառները: Հրայր Մարուխյան Հիմնադրամում ծավալած գործունեությունը լուսաբանում է Հայաստանում առկա խնդիրները և թույլ է տալիս ինձ կիրառել իմ գիտելիքները` կառուցելու ավելի պայծառ և լավ ապագա ոչ միայն մի քանի երեխաների, այլև իմ հայրենիքի համար:
Գևորգ Դրամգոչյան: 2006 և 2010 թվ-ին ես եկա Հայաստան Հայ Մարմնակրթական Ընդհանուր Միության միջոցով: Չնայած ես կարող էի հանդիպել նոր մարդկանց հետ և ձեռք բերել կայուն ընկերություն, սակայն ինձ երբեք չէր հաջողվել ունենալ տեղաբնակ քաղաքացու փորձառությունը: Այս անգամ Հայ երիտասարդաց դաշնակցությունը (AYF) ինձ հնարավորություն ընձեռեց վեց շաբաթ անցկացնել Երևանում, ամեն օր գնալ աշխատանքի և տեսնել, թե ինչպես են ապրում <<տեղացիները>>: Ամեն անգամ աշխատանքի գնալը և գալը ինքնին մի նոր բացահայտում է ինձ համար: Հրայր Մարուխյան Հիմնադրամում աշխատելը ևս մեկ հիանալի կետ ավելացրեց իմ աշխատանքային փորձին: Աշխատելով այսպիսի հրաշալի գործընկերների հետ` ես հասկացա, որ Հայաստանում մղվող պայքարը հարատև ազդեցություն կարող է ունենալ ոչ միայն իմ, այլև Հայաստանի ապագայի վրա:
Նազելի Խոդաբախշյան: Սա արդեն երրորդ ամառն է, որը ես անցկացնում եմ Հայաստանում: Մինչ ես խիստ զբաղված էի Գլենդելում հայկական համայնքի խնդիրներով, որոշեցի, որ Հայաստանում մի քանի շաբաթ իբրև զբասաշրջիկ հանդես գալուց զատ շատ ավելի օգտակար կարող է լինել ինձ համար որաշակի ժամանակ անցկացնել`ուսումնասիրելով հայկական իրականության լավ և վատ կողմերը: Այսպիսով նախորդ ամռանը ես օգնում էի կազմակերպել մանկական ճամբար Գյումրիի և Շուշիի երեխաների համար`հանդես գալով իբրև Հայ երիտասարդաց դաշնակցության (AYF Youth Corps) անդամ: Իսկ ահա այս ամռանը Օքսիդենթալ համալսարանը, որտեղ ես ուսանում եմ, ինձ հնարավորություն ընձեռեց կամավորական աշխատանք ծավալել արտերկրում: Դե իհարկե ես իբրև ուղղություն ընտրեցի Հայաստանը և Հրայր Մարուխյան Հիմնադրամը: Ես որոշեցի ինձ ամբողջությամբ նվիրել իմ երկրի հարուստ մշակույթի և պատմության ուսումնասիրմանը`մասնակցություն ունենալով այն խնդիրների լուծմանը, որոնց հետ մենք`իբրև զարգացող երկիր, բախվում ենք ամենուրեք: Հրայր Մարուխյան Հիմնադրամում ծավալած կամավորական աշխատանքը ինձ շատ է օգնել: Ես տեսնում եմ, որ Հիմնադրամի կողմից իրականացված ծրագրերը ծառայում են իրենց նպատակին: Այսօր ես ինքս պատրաստ եմ նոր գաղափարներ և ծրագրեր առաջարկել, որոնք խթան կհանդիսանան մեր երկրի բարգավաճման և զարգացման համար: Որքան շատ ժամանակ եմ անցկացնում այստեղ, այնքան ավելի եմ գիտակցում, որ Հայաստանը միշտ էլ լինելու է իմ ապագայի մի մասը:
«Տնտեսությունը և սոցիալ դեմոկրատիան» 2-րդ ընթերցագրքի շնորհանդեսի լուսանկարները. կլոր սեղանի շուրջ քննարկում, 2012թ., հունիսի 11, Երևան
[fbphotos id=333882010020765]